Sugusak hegan
- Jolastu egingo dugu bitartean! - proposatu dut.
Sugusak poltsatik atera eta hauxe egin du alabak:
Ño! Sailkaketa! Pentsatu dut nerekiko, matematikari sena piztuta. Eta horrek ideia eman dit jolaserako:
- Ilara honen amaieran zer zaporeko sugusa jarriko zenuke?
- Beste bat edo aspertu zara dagoeneko?
- Ez!! Beste bat, ama!!
Hauxe jarri diot:
- Hau zaila da, e?! - xirikatu dut.
- Bat ez... hurrengo hiru sugusak jarriko ditut!!
Esan eta egin.
Etxean ere jolas berbera kafe-kapsulekin ala arropa esekitzeko koloretazko pintzekin egin daitekeela otu zait. Euria egiten duen egun baterako - apuntutatu dut buruko agendan.
Eta, bapatean, hegazkineko motor hotsa entzun dugu.
- Jarri dituzun azken hiru sugus horiek jango al ditugu orain?!
-Baiiii!!
Sugus bana musukoaren azpitik ahoan sartu, eskutik estu heldu eta hegazkina martxan jarri da.
- Orain itxi begiak eta amestu Lanzaroteko hoteleko igerilekuarekin.
- Ba al dauka txirristarik, ama?
- Bai, bi!!
- Bi??!! Iujuuu!! - eta begiak indarrez itxi ditu, hegazkinak lurra atzean uztearekin batera.
Musukoa kokotzaren azpira jeitsi eta masailean musu eman diot.
Comentarios
Publicar un comentario
Zer iruditu zaizu? Irakurritakoa gustatu ala ez, zure iritzia jakin nahiko nuke